भौगोलिक वनावटले पहाडी क्षेत्र सिन्धुली जिल्लाको दुधौली नगरपालिका वडा नं.८ को विपन्न पारिवारीक पृष्ठभुमीमा गुजारा चलाउने बुवा चक्र बहादुर मगर र आमा सनिमाया मगरको कोखवाट बि.स.२०४१ साल बैशाख १ गते जेठी छोरीको रुपमा जन्मिएकी ज्ञानकुमारी सुनुवारले प्राथमिक तहको शिक्षा हासिल गरे पश्चात १६ बर्षको कलिलै उमेरमा उदयपुर जिल्ला कटारी नगरपालिका वडा नं. ४ निवासी ससुरा बम ब. सुनुवार र सासु हिरामाया सुनुवारको कान्छी बुहारीको रुपमा भित्रीइन ।
पारिवारीक आर्थिक समस्या र गरिबीको कारण परिवारलाई खुशी र सुखी राख्ने ठुलो सपना बोकेर परिवारसगं टाढिएर वैदैशीक रोजगारीको शिलशिलामा विदेशीए ज्ञानकुमारीका श्रीमान दिपकराज सुनुवार । अपरिपक्व उमेर, ससाना २ छोरीको साथमा सुनौलो भविश्यको आशा गर्दा उनलाई यति ठुलो सजाय मिल्यो की दिपक विदेशी भुमि मै अस्ताए कहिल्यै नफर्कने गरी सदा सदाका लागि । अव उनको जीउने आधार र सोचेका सपना मात्र अपुरा रहेन्न, सपना सगै छोरीहरुले बाबाको माया साथ अनि सहारा गुमाउदै टुहुरा भए अनि उनि एकल......।
यद्यपी उनले हार मानिनन्, हुन त आज सम्म उनि कहf सुखी थिइन र दुःखसगं हार्नलाई, दुई छोरीहरुको उचित शिक्षा र पालनपोषणका निमित्त एक प्राइभेट बोर्डिङ स्कुलमा पियनको रुपमा मासिक रु.३,००० पारिश्रमिक पाउने गरि काम गर्न थालिन । मासिक रु.३००० ले घर चलाउन र सन्तान पढाउन निकै गाह्रो कुरा, तेहि पनि यसरी नै केही समय वित्यो । अब उनले यसरी सन्तानको भविष्य बनाउन सकिदैन भन्ने सोचले व्यवसाय गर्ने बिचार गरिन तर उहि त हो हाम्रो समाजले विपन्न र एकल महिलालाई कसले पत्याउने र उनी निराश भइन् ।
तर भनिन्छ “चिताए दैवले पुर्याउछ “ त्यहि समयमा उनले विपन्नहरुका लागि विना धितोमा लगानी गर्ने संस्था जीवन विकासको बारेमा थाहा पाइन । जीवन विकास लघुवित्त वित्तीय संस्था लि.को शाखा कार्यालय कटारी अन्तरगत केन्द्र नं.०६२ मा आबद्ध भइन र उनले सर्वप्रथम रु.२०,०००। ऋणबाट पसल सुरु गरिन । क्रमशः व्यापारलाई बढाउदै गइन केहि ऋणबाट र केहि आफ्नो आम्दानी थप्दै । हाल रु.७०००००। बराबरको कुल लगानीमा किराना पसल व्यवसाय संचालन गर्दै आइरहेकी छिन ।
व्यवसायबाट हुने आम्दानीले सिंगो परिवार साथै दुई छोरिहरुको क्रमशः कक्षा ९ र १० अध्ययन खर्च समेत सहजै धानि रहेको छ । मासिक रु.३५,०००। सम्म आम्दानी हुने र आम्दानीबाट खर्च कटाई बांकी रकम भविष्यमा छोरीहरुको उच्च शिक्षा अध्ययनका लागि जीवन विकास मै रहेको आफ्नो बचत खातामा जम्मा गर्ने गरेको उनी वताउछिन ।
दैनिकी सरल र सहज हुदै छ । उनी भन्छिन दःुख र आपत परेको समयमा आजको यो अवस्था आउछ होला भन्ने एकरत्ती पनि साचेकी थिइन । निरीह, वेसाहारा र एक्लो अवस्थामा जीवन विकासको साथ र सहयोगका कारण आज आफु सगै छोरीहरुलाईको उज्वल भविष्यका लागि अगाडी बढिरहेकी छु । लगनशील र परिश्रमी भए एक दिन अवश्य सफलता हासिल गर्न सकिने रहेछ भन्दै जीवनस्तर परिवर्तनका लागि परिश्रमि र आत्मनिर्भर हुनु पर्ने सुझाव दिन्छीन खोसिएको खुशी फर्काउन सफल ज्ञान कुमारी ।
